Policia britanike ka identifikuar autorin e sulmit terrorist të ndodhur në Mançester, gjatë koncertit të Ariana Grandes.
Ai ëhstë një 23-vjeçar me origjinë nga Libia. Sipas policisë britanike, i dyshuar është shtetasi Salman Abedi i cili hodhi veten në erë. Ndërkohë, policia kreu një shpërthim të kontrolluar në atë që besohet të jetë banesa e tij, gjatë bastisjeve të zhvilluara në qytet ditën e martë.
Nga shpërthimet, mbetën të vdekur 22 persona dhe u plagosën rreth 60 të tjerë. 8-vjeçarja Saffie Roussos, 18-vjeçarja Georgina Callander, si dhe 26-vjeçari John Atkinson janë 3 viktimat e para të identifikuara. Mes 59 personave të plagosur, që po trajtohen në spital, 12 janë fëmijë. Gjendja e tyre vlerësohet e rëndë.
Shteti Islamik mori përsipër autorësinë e sulmit, duke thënë se një prej ushtarëve të tij kishte pozicionuar eksplozivë mes atij që e quan “grupim i kryqtarëve”, në qytetin Manchester./a.m.
