Autoritetet e drejtësisë në Shtetet e Bashkuara të Amerikës janë në alert pas sulmit me kamion natën e ndërrimit të viteve, që la pas 10 të vdekur e 35 të plagosur.
FBI, Departamenti i Sigurisë Kombëtare dhe Prokuroria po hetojnë ngjarjen si një akt terrorist. I dyshuari për sulmin terrorist është identifikuar si 42-vjeçari Shamsud Din Jabbar.
Presidenti amerikan, Joe Biden, e cilësoi incidentin të tmerrshëm, ndërsa bëri thirrje për zbardhje sa më shpejt të ngjarjes.
“Zemra ime është me familjet e viktimave, që thjesht po përpiqeshin të festonin festën. Nuk do të tolerojmë asnjë sulm ndaj asnjë prej komuniteteve të kombit tonë. Autoritetet të arrijnë në fund të asaj që ndodhi sa më shpejt të jetë e mundur”, shkroi Presidenti Biden.
Sekretari i Sigurisë Kombëtare Alejandro Mayorkas tha se departamenti “po punon ngushtë me partnerët tanë të zbatimit të ligjit në përgjigje të situatës në Neë Orleans”.
“Ky sulm i neveritshëm po hetohet nga FBI si një akt terrorist”, tha ai në një deklaratë. “Zemrat tona thyhen për familjet e atyre që u humbën jetën dhe lutjet tona janë me ata që shërohen nga lëndimet që pësuan. Ne u jemi mirënjohës reaguesve të parë për guximin e tyre dhe i bëjmë thirrje njerëzve të jenë vigjilent.”
Prokurori i Përgjithshëm Merrick Garland lëshoi gjithashtu një deklaratë të mërkurën, duke thënë:
Zemra ime është thyer për ata që e filluan vitin e tyre duke mësuar se njerëzit që i donin u vranë në këtë sulm të tmerrshëm dhe lutjet e mia janë me dhjetëra të plagosur, përfshirë New Orleans. Oficerët e Departamentit të Policisë që rrezikuan jetën e tyre për të shpëtuar të tjerët””.
Policia e Nju Orleans njoftoi se ngjarja, e ndodhur afër kryqëzimit të rrugëve Bourbon Street dhe Iberville Street në orën 3:15 të mëngjesit sipas orës lokale (10:15 në Shqipëri), duket se ka qenë një akt i qëllimshëm, raporton kanali i lajmeve ABC News. Sulmi ka ndodhur në një zonë shumë të popullarizuar për turistët, megjithatë viktimat dhe të lënduarit bëhet me dije se janë banorë të zonës.
Edhe kryebashkiaku i Neë Orleans, LaToya Cantrell e quajti ‘sulm terrorist’ dhe vuri në dukje se incidenti është ende nën hetim.
