UPDATE
Kush janë 2 vëllezërit El Bakraoui
Një javë më parë policia kishte bastisur shtëpinë e tyre në Molenbek dhe që nga ajo ditë jetonin në arrati. Vëllezërit njiheshin si përdorues droge në Molenbek, ndërsa dyshohet se kishin fshehur Salah Abdelslam që pas sulmeve të 13 nëntorit në Paris. Personi i tretë që ishte me to në aeroport është identifikuar.
Ai është Naxhim Lakraui, i dyshuar për ndërtimin e bombave që shpërthyen në Paris dhe që vranë 130 vetë. Naxhim Lakraui sipas policië doli i qetë nga aeroporti Zaventem, para shpërthimeve kamikaze dhe është ende gjallë. Sot është një nga njerëzit më të kërkuar në Europë.
Dy kamikazët që sulmuan aeroportin ndërkombëtar në Bruksel, janë identifikuar dhe janë vëllezër. Sipas mediave belge ata janë identifkuar si vëllezërit Khalid dhe Brahim el-Bekraoui, jo të panjohur për autoritetet.
Transmetuesi RTBF tha se vellezerit ishin të njohur për policinë. Një burrë i tretë që u filmua nga kamerat me ta në aeroport është ende duke u kërkuar.
