Ministrja e Inovacionit dhe Administratës Publike, Milena Harito, po prezanton sot në komisionin parlamentar të Ligjeve dy drafte të qeverisë atë “Për identifkimin elektronik dhe shërbimet e besuara” dhe disa shtesa në ligjin “Për dokumentin elektronik”.
Projektligji i parë synon rritjen e sigurisë për transaksionet elektronike në tregun e brendshëm, duke siguruar një bazë të përbashkët për bashkëveprim të sigurt elektronik midis qytetarëve, bizneseve dhe autoriteteve publike.
Pr/ligji, që bazohet në përvojën finlandeze dhe rregulloren e Parlamentit Europian, përcakton kuadrin ligjor për identifikimin elektronik, vulat elektronike, shërbimin e dorëzimit elektronik dhe autentifikimin e faqeve të internetit në Shqipëri.
