“Sot miratuam logon zyrtare të festimeve për 75-vjetorin e Çlirimit, krijim i një djali të ri, student i Arkitekturës”, tha sot zëvendëskryeministri Erjon Braçe, ndërsa theksoi, se BE lindi si projekt i përbashkët kundër fashizmit.
“Bashkimi Europian lindi si projekt përbashkues edhe kundër fashizmit; Fare pak kohë pas përballjes më të madhe me të. Bashkimi Europian nuk e ka humbur asnjëherë veprimin reagues përballë çdo shfaqjeje fashiste, edhe si sovranistë apo populistë, racistë”, tha ai.
Po ashtu, Braçe theksoi se si aspirantë për të hyrë në familjen europiane, duhet të rrimë në këtë kurs Perëndimor.
“Shfaqjet e përsëritura raciste, urrejtëse, fashiste herë si sport, si letërsi apo si histori e re e pa treguar më parë, ulërasin për prirjen e re politike e kriminale si projekt politik. Lufta kundër fashizmit ishte e drejtë! Tradhtia e bashkëpunimi me fashizmin ishte një turp. Lufta kundër fashizmit e tradhtisë na rreshtoi në krahun e drejtë të historisë, në koalicionin më të madh të popujve kundër të keqes në histori, – tha ai, – duke shtuar se sot jemi kokëlartë prej Luftës!” /l.m
