Në emisionin “Shqip” ishte i ftuar avokati Idajet Beqiri për të folur lidhur me protestën e zhvilluar nga ilir Meta ditën e sotme dhe fatin e opozitës.
Nëpërmjet analizave në studio, zoti Beqiri tha se kjo opozitë nuk mundet kurrsesi të bëjë kritika sepse është e përfolur për skandale dhe nuk e ka ndërgjegjen e pastër për t’iu kundërvënë qeverisë.
“Opozita me veprimet që bën, me këto të ashtuquajtura protesta , kur njerëzit e dinë shumë mirë se për çfarë i bëjnë, këta realisht po sabotojnë edhe zhvilimet e vendit, por nga ana tjetër po justifikojnë të metat e qeverisjes. Po i justifikojnë vetë këta. Sepse njerëzit kur shikojnë kë kanë përballë, kur dëgjojnë që thotë hajduti kapni hajdutin, qesh dhe nuk të mbetet asnjë lloj force për t’iu vërsulur realisht qeverisë për ato që janë të meta të saj. Edhe vetë afera e inceneratorit kur del nga goja e ketyrë, zvogëlohet, i bie rëndësia. Po të ishin këta të barazlarguar prej saj, po të kishim një opozitë reale do ishte një situatë komplet tjetër. Ky vend duhet të mendojë seriozisht për opozitën. Qeveria ka një mijë të zeza, por kë ka përballë? Kush po ua vë në dukje? Këta nuk munden sepse janë vetë të përfshirë”, u shpreh zoti Beqiri.
/e.d
