Albert Krasniqi nga Instituti Demokratik i Kosovës, ka zbuluar një mashtrim të deputetëve për marrjen e honorareve për seancat e Kuvendit të Kosovës.
Krasniqi ka numëruar se në seancën e sotme të Kuvendit janë të pranishëm vetëm 32 deputetë ndërsa në listën e të nënshkruarve janë 114 të tillë, transmeton Koha.net.
Analisti nga IKD-ja përmes një postimi në Facebook ka shkruar se në seancë nuk është i pranishëm asnjë ministër.“Aktualisht në sallën plenare të Kuvendit:
Ministra: 0
Deputetë: 32
Deputetë të nënshkruar në listë: 114”, ka shkruar Krasniqi.
Edhe nënkryetari i Kuvendit, Xhavit Haliti paralajmëroi deputetët se kanë kohë deri në 15:30 që të vijnë për të votuar ligjet të cilat do të shqyrtohen deri atëherë, ka thënë se do të penalizohen me heqjen e honorareve të gjithë ata deputetë që pa arsye nuk vijnë për të votuar.
Shumë seanca të Kuvendit të Kosovës kanë dështuar për shkak të mungesës së kuorumit ndërsa deputetët nënshkruhen vetëm sa për t’u ecur mëditjet, përgatiti Koha. (b.an)
