Mauro Icardi është kthyer nga lëndimi në mënyrën më të mirë, duke shënuar katër gola në fundjavë ndaj Sampdorias në fitoren 5:0. Forma e mirë e sulmuesit argjentinas ka bërë që drejtuesit e klubit të nisin bisedimet me agjentin e Icardit, për vazhdimin e kontratës.
Kapiteni i Interit është një ndër lojtarët më të kërkuar nga klubet e mëdha evropiane, duke ngjallur interesimin edhe të Real Madridit.
Interi pritet t’i ofrojë kontratë të re 25-vjeçarit me një pagë prej 7 milionë euro në sezon deri në vitin 2023.Icardi është golashënuesi më i mirë te “zikaltërit”, duke shënuar 22 gola në 26 ndeshje të zhvilluara. (b.an)
