Pas stuhisë së muajve të fundit, Wanda Nara dhe Mauro Icardi kaluan një Krishtlindje të qetë në Argjentinë me familjen e tyre. Futbollisti ka surprizuar agjenten e tij me një dhuratë të çmuar, të cilën ish-komentatorja e “Big Brother Vip” në Itali e ka treguar menjëherë në rrjetet sociale.
Në Instagram, Wanda postoi një fotografi me gjashtë kuti portokalli, me hark të zi, me gjashtë kuleta të ndryshme Hermès brenda. “Faleminderit Santa Claus. Kam qenë dhe jam gjithmonë shumë e lumtur”, – ka shkruar Wanda mes postimeve, duke etiketuar bashkëshortin e saj, të cilin e fali pas tradhtisë me aktoren China Suarez. Për dhuratën e fundit të Krishtlindjes, Maurito pagoi më shumë se 200 mijë euro.
Wanda Nara është një fanse e madhe e Hermès, një prej markave më luksoze franceze në botë. Pak muaj më parë, Mauro Icardi i dhuroi gruas së tij një çantë të së njëjtës markë. Më saktësisht, një Himalaya Birkin 30, një nga modelet më të dëshiruara nga “fashion addicts”, me vlerë 300 mijë euro. Aksesori është bërë me lëkurë krokodili të Nilit, ka më shumë se 245 diamante të zbukuruara dhe detaje të tjera ari.
/a.r
