Interi ka gati kontratën e re për Icardin, por kjo nuk është duke i pëlqyer sulmuesit argjentinas.
Gazzetta dello Sport raporton se interi ka gati kontratën e re për kapitenin, Mauro Icardi, që do të fitojë afër 8 milionë euro në sezon, por argjentinasi kërkon së paku 9 milionë.
Wanda Nara, gruaja dhe agjentja e Icardit, ka thënë: “ose do të ketë kontratë të re, ose do të largohemi nga Interi”.
Sipas Gazzetta dello Sport, propozimi tashmë është bërë dhe Interi është duke shikuar mundësinë që të rrisë klauzolën e Icardit nga 110 milionë në 150 milionë.
Rroga fikse e Icardit pritet të jetë 6.3 milionë dhe me bonuse do të shkojë deri 7.5-8m në vit, diçka që nuk i ka pëlqyer 25 vjeçarit që do 9 milionë euro në sezon, e që do ta bënte atë lojtarin më të paguar në Serie A, përgatiti ”Gazeta Express”. (b.an)
