Ministrja e Financave dhe Ekonomisë, Delina Ibrahimaj, Guvernatori i BSH, Genti Sejko dhe përfaqësues të Misionit të FMN, kanë zhvilluar një konferencë për mediat sot përsa i përket situatës së ekonomisë në vend.
Gjatë fjalës së saj ministrja Ibrahimaj është shprehur se jemi 0,4 % mbi plan teksa ka thënë se të ardhurat buxhetore janë rritur me 16 % dhe kanë tejkaluar planin e rishikimit të tij.
Delinda Ibrahimaj: Gjatë periudhës Janar-Gusht të ardhurat buxhetore janë rritur me 16 për qind dhe kanë tejkaluar planin në cdo fazë të rishikimit të tij. Jemi 0,4 për qind mbi plan. Referuar të dhënave për muajin Shtator, të ardhurat kanë vijuar të kenë të njëjtin nivel rritës. Rritja ekonomike, ashtu dhe përmirësimet administrative kanë qenë faktorë të rëndësishëm në performacën e të ardhurave. Deri tani, buxheti vijon të operojë me një sufiçit të përgjithshëm fiskal dhe stoku i likujditetit të qeverisë është i mjaftueshëm për të vijuar ekzekutimin normal të buxhetit të këtij viti.
Ministrja Ibrahimaj u shpreh se “pritet që borxhi publik të jetë nën nivelin 70 % të GDP deri në fund të këtij viti, nga 73,2% që ishte në fund të vitit 2021”.
Delinda Ibrahimaj: Në rishikimet e buxhetit të vitit 2022, që kemi bërë gjatë këtij viti, nga njëra anë kemi krijuar hapësirë fiskale që kanë ndihmuar në zbutjen e ndikimit të krizës si alokimi i paketave të ndryshme për shoqërinë në nevojë, alokimin e fondeve për sektorin e energjetik për të mbajtur të pandryshuar çmimin e energjisë elektrike. Nga ana jetër, ne kemi qenë mjaft të vendosur për të ruajtuar qëndrueshmërinë e financave publike dhe gjithashtu stabilitetin. Ne kemi ulur limitin e deficidit fiskal me 1 % të GDP-së nga 5 për qind që ishte e kemi ulur në 4,1 %. Presim që defiçidi i përgjithshëm fiskal për 2002 të jetë dhe më i ulët se kufiri ligjor i rishikuar në 3.3 deri në 3,5 të produktit të brendshëm bruto. Ne presim që borxhi publik të jetë nën nivelin 70 për qind të GDP deri në fund të këtij viti nga 73,2 % që ishte në fund të vitit 2021.
/a.r
