Ibrahimovic nuk ndryshon, as sinqeriteti i tij. Pyetjes se çfarë i mungon nga eksperienca e kaluar tek PSG, suedezi i përgjigjet pa asnjë pikë nostalgjie, të paktën jo në nivel futbollistik: “Vetëm rroga që merrja, kjo më mungon nga PSG”.
Në një intervistë për SRF Sport, sulmuesi i Man.United ka folur dhe për mundësitë që ka klubi parisien për të ardhmen:
“Mendoj se skuadra është e fortë, kanë afruar lojtarë të rinj ndërsa filozofia mbetet e njëjtë: të fitojnë gjithçka dhe të shkojnë sa më larg të jetë e mundur në Champions League”.
Kjo do ishte një përgjigje e pranueshme por jo për Ibrën që shton:
“Ky nuk është më problemi im, kam vetë problemet e mia”.
Suedezi kaloi një periudhe të artë në Paris: 3 tituj kampion në Ligë 1, dy Kupa dhe tre Superkupa, por Franca është një histori e mbyllur për të, të tjerë objektiva e presin duke nisur nga derbi përballë Man.City: “Duhet të punojmë shumë, të jemi të qetë, më pas rezultatet do vijnë”, theksoi Ibrahimovic./BW/a.k
