Shqetësonte vazhdimisht në telefon një vajzë 36- vjeçare, si dhe e ndalte sa herë e takonte në rrugë. Një 36- vjeçare me inicialet D.D., banuese në fshatin Bujan të Tropojës, ka bërë kallëzim në Polici ndaj një personi që e shqetësonte vazhdimisht me thirrje në telefon dhe mesazhe.
Përveç kësaj, gjatë denoncimit para oficerëve të Policisë vajza ka deklaruar se 53-vjeçari I.B., banues në fshatin Dojan, po në Tropojë, e ka ndaluar dhe në rrugë. Pas kallëzimit, forcat e Policisë kanë bërë shoqërimin e 53-vjeçarit, si dhe çështjen në ngarkim të tij ia kanë kaluar Prokurorisë. Ndaj këtij të fundit është ngritur akuza e përndjekjes dhe rrezikon një dënim me burg nga 6 muaj deri në katër vite. Sipas Policisë, vajza e ka denoncuar se e ka shqetësuar në mënyrë të vazhdueshme.
