Shefi i rendit në Gramsh dhe 5 efektivë policie janë pezulluar nga detyra në datë 15 maj nga drejtori i përgjithshëm për shkak të një video që qarkulloi në rrjetet sociale.
Por çfarë përmban videoja? Shefi i rendit së bashku me policët dhe një këngëtar nga qyteti i Gramshit shfaqen duke pirë, kënduar dhe kërcyer.
Report Tv mëson se policët pasi kishin mbaruar kontrollin e territorit për kanabis dhe po ktheheshin janë takuar me këngëtarin.
Shefi i rendit dhe efektivët ndaluan duke ia marrë këngës dhe valles, por njëri nga personat që ishte me ta i tradhtoi duke nxjerrë videon në rrjetet sociale që u kushtoi vendin e punës.
/a.r
