Një ditë pas arrestimit të Olesia Dukës, pasi mashtroi një biznesmen duke i marrë 900 mijë euro, në policinë e Tiranës janë bërë edhe 6 denoncime të tjera për mashtrim nga 38-vjeçarja stomatologe.
Edhe 6 personat e tjerë janë mashtruar në të njëjtën mënyrë nga stomatologia. Report Tv zbulon se vetëm një muaj më parë dentistja i ka marrë një biznesmeni me iniciale R.ZH nga Tirana 30 mijë euro.
Prokuroria e Durrësit ka zbuluar skemën e mashtrimit të stomatologes 38-vjeçare, e cila iu merrte para biznesmenëve të ndryshëm, duke i gënjyer se kishte tetë klinika dentare dhe duhet të blinte aparatura e pajisje, ndërkohë që nuk i kthente më shumat e marra.
Burime të Report Tv bëjnë me dije se stomatologia ka në fakt vetëm një klinikë në Tiranë, që është klinika e Stomatologjisë ‘Shendident’. Ai që e ka pësuar më shumë nga mashtrimet dhe dredhitë e 39-vjeçares ka qenë biznesmeni I. H., i cili ka bërë dhe denoncimin.
a.ç
