Një ngjarje e rëndë është regjistruar sot në Pogradec, një 77-vjeçar që ishte raportuar i zhdukur prej më shumë se tre javësh është gjetur i pajetë.
Sipas informacioneve paraprake, bëhet fjalë për shtetasin N. M., i cili ishte larguar nga banesa që më datë 6 qershor.
Ishte bashkëshortja e tij ajo që kishte kallëzuar zhdukjen në polici.
Trupi i të moshuarit është gjetur pa shenja jete këtë të enjte në fshatin Piskupat. Policia është nisur drejt vendit të ngjarjes dhe aktualisht po punon për të sqaruar rrethanat e vdekjes
Ende nuk dihen shkaqet e sakta të ngjarjes, ndërsa priten rezultatet e ekspertizës mjeko-ligjore dhe të hetimeve paraprake.
