Ditën e sotme, Policia e Tiranës ka arrestuar 33-vjeçarin Klajdi Gjeçi, pasi ishte shpallur në kërkim që në vitin 2019 për trafik droge, shpërthime me eksploziv dhe armë-mbajtje pa leje. Ai është arrestuar në rrugën “Sami Frashëri në Tiranë.
Kush është Klajdi Gjeci?
Gjeci është një emër i njohur për policinë. Ai është arrestuar në vitin 2019, pasi u akuzuar se ishte pjesë e një grupi që shpërndante kokainë në kryeqytet dhe bashkë me të ranë në në pranga edhe 4 persona të tjerë. 33-vjeçari njihet si një nga miqtë e ngushtë të Emiljano Shullazit.
Po kështu ai është arrestuar në janar të vitit 2016, pasi vendosi tritol në automjetin e biznesmenit Ndue Rajta, pronarit të një pike intertesh në kryeqytet. Në vitin 2015, i riu u arrestua për plagosje të rëndë me dashje. Ai u la i lirë 4 muaj më vonë, pasi i dhunuari Enton Nushaj tërhoqi padinë ndaj tij. Po në vitin 2015, u raportua se Klajdi Gjeçi u mor peng nga tre persona. Gjeçi u dhunua prej tyre dhe u mbajt peng deri sa u zbulua nga policia.
Sakaq, në vitin 2012 ai është proceduar për armëmbajtje pa leje. Ndërsa n 8 Dhjetor të 2011 Gjeçi ka qenë person i dyshuar për vendosjen e eksplozivit në banesën e ish-zv/drejtorit të Policisë së Tiranës Dorian Muça. Policia shkoi për kontroll në banesën e tij dhe e arrestoi për armëmbajtje pa leje. Por, Gjykata më pas e la të lirë me pretendimin se policia duhet të kishte marrë urdhër gjykate për të kontrolluar shtëpinë e të dyshuarit.
g.kosovari
