“I vrava se më pengonin në rrugën drejt perendisë, unë jam Jezusi”
Altin Piroli mendohet të jetë arsyeja e vrasjes së babait të tij mëngjesin e kësaj të martë në Zheje të Kurbinit. Në 4 mars 2014 ai ai vrau dy vëllezërit Endri dhe Andrea Cara, të cilët po hynin në lokalin e tyre në qytetin e Laçit.
36-vjecari po i priste në hyrjen e ketij biznesi me dy pistoleta në duar, duke i qëlluar për vdekje. Si pasojë e të shtënave mbetën të plagosur dhe dy kalimtarrët e rastit Anton Gjini dhe Nikoll Ndoi.
Më pas me armën në duar ai terrorizoi për disa minuta qytetarët e Laçit. Autori u arrestua nga policia dhe u konstatua se vuante nga problem mendore. Paqëndrueshmeria e tij u vu re dhe gjatë marrjes në pyetje në ambientet e paraburgimit nga grupi hetimor.
Në çdo seancë pyetjesh ai jepte një version të ndryshëm për motivet e vrasjes së dy vëllezërve Cara. Ai filimisht deklaroi se ata e pengonin në rrugën e tij drejt perendisë, duke e cilësuar vetën si Jezusi.
Në një tjetër seancë pyetjesh ai deklaroi se i kishte inat dy bashkëfshatërët e tij, për shak se ishin të pasur dhe e tallnin gjithmonë. Gjatë kontrollit të banesës së Pirolit policia gjeti një listë me emrat e 15 personave, të cilët dyshohet se ai i kishte planifikuar për t’i vrarë.
Në listë ishin emrat e gjyqtarëve dhe prokurorëve të rrethit të Kurbinit. Altini Prioli vuan dënimin në burgun e Shënkolliut. 10 vite më parë ai kishte plagosur edhe kushëririn e tij 7 – vjeçar, ngjarje për të cilën u dënua me 7 vite burg.
