TIRANE– Mira Halili, nëna e Marvi Halilit, djalit që u vra pak kohë më parë për një karikues telefoni, ka reaguar pas lirimit të tre të rinjve që kanë qenë të pranishëm në vendngjarje ku u vra djali i saj i vetëm. Vendimi për lirimin e Dejvi Bitraj, Kridens Alla dhe Marsel Alla, është marrë pak ditë më parë pasi ata akuzoheshin për “Moskallëzim krimi”.
Nëna e viktimës, përmes një postimi në ‘Facebook’, pohon se lirimi i tyre është bërë në fshehtësi dhe kundrejt një pagese. Ajo akuzon prokurorin e çështjes Artan Lulaj, ndërsa e cilëson atë si ‘një sharlatan të etur për para’. Mes dhimbjes për mungesën e djalit nëna flet për vuajtje dhe tortura, ndërsa pyet se si do të vendoset drejtësi për vdekjen e Marvit.
Postimi i nënes në Facebook
“Sot është një ditë e zezë për mua! Marvin tim ma vranë përsëri!. Tre nga kriminelët që bashkëpunuan në vrasje dhe dhunuan trupin e tij, në momentet e fundit ndërsa djali jepte shpirt, prokurori monstër, vampire, demoni, sharlatani, maskarai Artan Lulaj i etur për para, i kishte liruar nga burgu pa e ditur askush!O zot çfarë tmerri!Të shikosh vrasësit e birit të vetëm pa akuzë, të lirë në sallën e gjyqit dhe tek i shihja më dilte parasysh video e ngjarjes, shkelmat e tyre mbi trupin e djalit tim! Sa më e madhe se kaq duhet të jetë dhimbja?Dhe çfarë torturash të tjera duhet të kaloj!Më thoni o njerëz, çfarë duhet të bëj në këtë vend?Si do ta vendos drejtësinë?Ju lutem më ndihmoni…”- shkruan në profilin e saj Mira Mihali, nëna e Marvin Mihalit.
a.ç
