“I vetëvrari” nga gjobat e tatimeve, Braçe: Mediat e Berishës gënjyen me lajmin
Deputeti socialist Erion Braçe ka reaguar sot ndaj një lajmi të ditës së shtunës, ku disa media raportuan se një person u vetëvra pasi nuk kishte kasë fiskale.
Braçe duke publikuar NIPTin e personit të vetëvrarë, dhe procesverbalin e kontrollit tatimor që e ka gjetur tërësisht në rregull dy javë më parë, akuzuan mediat se e shpikën këtë lajm për të sulmuar qeverinë.
“Dje ne mbremje, Sali Berisha, mediat e tij online Lapsi, Syri, Beu etj, Panorama posacerisht; mediat e tij audiovizive Abc e Klan; nje sere gojoresh publike promotore te Berishizmit Fiskal si alternative e djathte apo kundershtare te kesaj Qeverie, thane se: Vetvritet babai i dy femijeve pas kontrollit nga policia e tatimet per kasen fiskale! Nje njoftimin e tyre publik thuhet gjithashtu se: Biznesi ishte i parregjistruar, nuk kishte kase fiskale, nuk priste kupon dhe per kete ishte paralajmeruar nga tatimet per tu mbyllur! Nga kjo, shtetasi kishte vrare veten! Kjo është një gënjehstër e neveritshme” shkruan Brace.
Më poshtë ai publikon dokumentet:
Tatimet kane vizituar subjektin ku i ndjeri ishte bashkepronar me 8 shtator, pra jo dje por 12 dite me pare, e kane gjetur te rregjistruar, te licensuar, te paisur me nipt e kase funksionale, punetore te rregjistruar dhe kanë mbajtur një akt konstatmi ku përshkruajnë ligjshmërinë e biznesit.
Sipas dokumentave, biznesi ka qene krejt ne rregull, tatimet kane deshmuar kete, as kane gjobitur qofte edhe me nje qindarke e as kane paralajmeruar me mbyllje”, shkruan Braçe.
