Igli Tare është i vetëdijshëm për atë që e pret te Milan në rolin e drejtorin sportiv. Pas një sezoni zhgënjyes duhet që kuqezinjtë të kthehen fitues ashtu siçe kërkon emri i këtij ekipi.
“Milan është një klub që kërkon menjëherë të arrish rezultat, të fitosh dhe këtë e kam kuptuar dhe jam gati të përballem. Roli im është është i rëndësishmë për strategjitë e duhura“, shprehet Tare.
Në intervistën e parë në kanalin e klubit pas emërimit, Tare tregon se puna që ka nisur do të ketë prezantimet e para që javën e ardhshme.
“Kam ardhur me ide të qarta me shumë entuziazëm, dua ta përçoj këtë në të gjithë ambientin e Milan për skuadrën dhe stafin teknik dhe të bëj punën time që ka të bëjë edhe me merkaton. Nga java e ardhshme do të vijnë dhe do të kemi mundësinë dhe t’i prezantojmë“, tha ai.
Puna e tij do të nisë nga trajneri i ri e deri me merkato e lojtarëve.
Igli Tare pas përvojës 15 vjeçare si drejtues te Lazio ku fitoi 6 trofe në Itali, 3 Kupa e 3 Superkupa kërkon të lejë shenjë te një klub i rëndësishëm edhe në arenën ndërkombëtare. Sipas mediave italiane, Tare ka firmosur për 2 vite me mundësi edhe për një të tretë. Igli Tare pritet të ketë dorë të lirë dhe është një urë lidhëse mes skuadrës dhe drejtuesve të tjerë të Milan.
