Ndërsa shumica e lojtarëve dhe trajnerëve kosovarë janë kursyer me komentet, këtë nuk e ka bërë Herolind Shala. Shala në një postim të tij nëpër rrjetet sociale ja ka bërë me dije disa gjëra Shqipërisë, të cilët para ndeshjes kishin fjalë shumë të mëdha.
Kujtojmë që Etrit Berisha, Elseid Hysaj dhe lojtarë të tjerë të Kombëtares shqiptare ishin ata që vazhdimisht kishin folur për fitore ndaj Kosovës.
Madje, e kishin konsideruar si një kafshatë të lehtë. Por, pas përfundimit të saj doli e kundërta dhe Kosova e deklasoi Shqipërinë me rezultat 3-0.
Megjithatë, Herolind Shala e ka pasur statusin më real që ka bërë për këtë ndeshje duke ia treguar një realitet të madh Shqipërisë.
“Na nënçmuat? Në rregull ne flasim vetëm në fushë, ne jemi KOSOVA dhe pritni gjëra të mëdha në të ardhmen.
Faleminderit bashkatdhetarë për përkrahjen e madhe. Të dua vendlindja ime!”, ka shkruar ai, përgatiti ”GazetaExpress”. (b.an)
