Zemra e një kinezi dhe portofoli i tij, kanë vuajtur pasi ai propozoi të dashurës së tij martesë, duke shpenzuar 64375.13 Euro, duke bërë një gjë të çuditshme.
Djaloshi nga Guangzhou, nga provinca e Kinës Jugore, emri i të cilit nuk është bërë i njohur, bleu 99 iPhone 6s vetëm për t’i propozuar martesë të dashurës së tij.
Por siç duket fati nuk doli të jetë në anën e tij, pasi vajza në fjalë edhe kur pa plotë 99 pako në formë zemre e që brenda tyre kishte iPhone 6s, përsëri e refuzoi djalin duke i thënë jo martesës me të.
Në fotografitë e mëposhtme, shihen pamjet teksa çifti në fjalë qëndrojnë brenda formës së zemrës së krijuar nga pakot me iPhone 6, njofton Klan Kosova.
Djali kinez, i cili dëshironte që ta fitonte zemrën e vajzës në fjalë për të qenë gruaja e tij, kishte ftuar edhe të gjithë kolegët e tij për të qëndruar në një rreth unaze si dëshmitarë gjatë momenteve të propozimit./r.a
