Një shqiptar është dënuar me 10 vite burg nga gjykatësja Rita Zaccariello pasi ka tmerruar për muaj të tërë një 44-vjeçare nga Ukraina. Shqiptari, emri i të cilit nuk bëhet i dituar akuzohet për dhunë seksuale, përndjekje dhe plagosje ndaj një shërbyeseje nga Ukraina. Ai ndodhet në burg prej një viti.
Sipas medias italiane, 36-vjeçari shqiptar e ka përndjekur për muaj të tërë pasi ka abuzuar me të, madje duke mos ‘e kursyer’ as më 8 mars, ditën e festës së gruas.
Hetimi i koordinuar nga prokurori Augusto Borghini, kishte çuar në një urdhër arresti pas denoncimit të gruas, e cila kishte deklaruar se nuk kishte pasur kurrë një marrëdhënie sentimentale me shqiptarin, por e kishte njohur përmes një miqësie të përbashkët.
Në sulmin e ndodhur në dhjetor të 2015-ës, shqiptari i theu hundën dados nga Ukraina dhe abuzoi me të. Por ky nuk ishte episodi i vetëm, pasi pati të tjera raste dhune dhe terrori. Gjykatësi pranoi kërkesën e prokurorit por shqiptarit i shkurtohet dënimi me 1/3 pasi ka fituar gjykim të shkurtuar.bw/a.k
