Një punonjës policie është dënuar me 200 mijë lekë gjobë nga Gjykata e Tiranës për dhunën që ka ushtruar pa asnjë shkak ndaj dy të rinjve në kryeqytet. I pandehuri Ardian Halltari është fajë suar për “veprime arbitrare” gjatë një episodi të ndodhur në 25 prill 2015 pranë ambasadës amerikane, në Tiranë, ku i ka thyer dhëmbin një të riu dhe ka rrëzuar në tokë një tjetër.
Sipas Gjykatës, ka qenë ora 4 e mëngjesit të kësaj dite kur një grup të rinjsh kanë kaluar në rrugën pranë kësaj njësie diplomatike. “Kur kanë kaluar pranë vendrojës së policit, nga ajo ka dalë i pandehuri Ardian Halltari, i cili i ka thënë pse më shave.
Shtetasi Kejdi C. i ka thënë që nuk të shau njeri, por i pandehuri, i veshur me uniformë policie, e ka qëlluar me grusht në fytyrë. Pas ndë- rhyrjes me fjalë të personave me të cilët ishte kallëzuesi Kejdi C., punonjësi i policisë ka qëlluar edhe shokun e tij, Olsi M.
Pas kësaj personat e goditur i kanë marrë numrin e identifikimit punonjësit të policisë dhe janë larguar e kanë bërë kallëzimin përkatës ndaj tij”, rrëfehej ngjarja në vendimin e Gjykatës.
Referuar dëshmive të marra nga të pranishmit në vendin e ngjarjes, Gjykata ka arsyetuar se i pandehuri ka përdorur dhunën ndaj qytetarëve që vetëm ishin duke kaluar në rrugë, pa asnjë shkak të ligjshëm, duke shfrytëzuar uniformën e policisë. Gjatë gjykimit i pandehuri ka shfaqur pendesë për veprimin e kryer.
