Personi në foto është 23-vjeçari Arsen Rama, i riu që dyshohet se është i infiltruari i policisë në çështjen Beleri.
Gazetari Eni Ferhati tregoi në emisionin Now në Euronews Albania se i infiltruari i policisë në çështjen Beleri, 23-vjeçari Arsen Rama 3 vjet më parë është arrestuar për mashtrim.
Mësohet se 23-vjeçari, 3 vjet më parë është arrestuar për mashtrim. Ky person, është paraqitur me vullnet të lirë në 8 maj duke dhënë informacione se në Himarë disa persona po blejnë vota me shuma nga 50-200 euro. Më pas ai ka pranuar të bashkëpunojë me policinë duke iu vendosur në trup pajisje përgjimi dhe audio.
Ditën e sotme, vëllai i Ramës, Abdul Rama me zë dhe figurë sqaroi se me Belerin kanë pasur vetëm marrëdhënie pune, duke mohuar përfshirjen në këtë çështje. Ata shisnin peshk në restorantin e tij dhe nuk kanë folur ndonjëherë për votimet.
“Ka qenë i kallëzuar nga një bashkëmoshatar i tij, në atë kohë 20 vjeç dhe është dënuar për mashtrim, pra është i skeduar. Ndaj avokatët e Belerit luajtën sot kartën e besueshmërisë së këtij personi në këtë çështje”, tha gazetari./m.j
Ore dhe publiku mos të bëjë si i paditur dhe naiv. Të tillë persona mund të infiltrohen për aksione të tilla. Keni dëgjuar ju ndonjë të ndershëm që të merret me rryshfete?! Ju mund të thoni që mund të ishte dhe ndonjë i policisë i infiltruar. Por ka risk të lartë dhe zbulimi dhe aksioni mund të dështojë. Plus ka dhe një detaj tejet të rëndësishëm. Ai ka vendosur kamera dhe mikrofona në trup. Çka do të thotë që janë këto pajisje nëse ky tipi mashtronte apo thoshte të vërtetën. Me kaq mbyllet historia.