Ani Begaj dhe kushëriri i tij Elton Begaj, u arrestuan 2 ditë më parë nga policia e Vlorës. Begaj dhe kushëriri i tij ishin të shpallur në kërkim për masakrën e Çoles, ku humbën jetën 3 të rinj.
Ditën e sotme është dhënë masa e sigurisë për dy të arrestuarit, të cilët u prangosën në kuadër të operacionit “Chasing,.”
Për Elton Begajn është dhënë masa e sigurisë “arrest me burg” ndërsa Ani Begaj, i dënuar me 35 vite burg me dënim të formës së prerë, është njohur me dënimin e tij.
Abc mëson se seanca nisi rreth orës 10:00 dhe zgjati 1 orë.
Masakra e Çoles
Në 7 Prill 2015, pas një konflikti të armatosur, mbeten të vdekur Haki Rakipi, Alfred Velaj dhe Albi Limaj.
Policia arrestoi si autorë të masakrës Aleksandër Llanaj, Ani Begaj dhe Bertil Aliaj.
Në Tetor 2017, tre anëtarë të familjes Llanaj plagosen në zonën e Transballkanikes, pranë qendrës së Vlorës. Shënjestra ishte Ferdinand Llanaj, vëllai i të dënuarit përjetë asokohe, Aleksandër Llanaj.
Bashkë me Ferdinandin, në këtë atentat plagoset edhe djali i tij 8-vjeçar, si edhe miku i familjes, Dritan Begaj.
Familja e Aleksandër Llanajt prej vitit 1998 ka një histori konfliktesh dhe hakmarrjeje që nisin nga një zinxhir vrasjes në Selenicë.
g.kosovari
