Gjykata e Tiranës ka caktuar masën e sigurisë “arrest me burg” për shtetasin Gentian Hoxha, i cili mbeti i plagosur disa ditë më parë në biznesin e tij, një dyqan celularësh. Pas ngjarjes policia gjeti në vendngjarje materiale për prodhimin e minave me telekomandë.
Dyshohet se shpërthimi ëhstë shkaktuar në momentet kur ky shtetas po montonte një bombë. Ai pas ngjarjes u arrestua nga policia ndërkohë që ishte në spital për ndihmë mjekësore.
Nga shpërthimi, Hoxhës iu prenë gishtat e dorës. Gjatë kontrollit në servis u gjeten 2 kapsolla ende të paplasura, disa qarqe elektrike, tela elektrik përcjellës dhe një mikroskop që dyshohej se përdorej për montimin e bombave./a.m.
