Rebelohet shqiptari pasi i del huq tentativa për vjedhje në një supermarket në Itali. Mediat italiane raportojnë se një shqiptar 37-vjeç, emri i të cilit nuk bëhet i ditur ka përfunduar në pranga, për tentativë vjedhje dhe kërcënim të një pronari italian.
Ngjarja ka ndodhur në Faenza dhe sipas policisë, denoncimi është bërë nga vetë pronari. Ishte shitësja e cila konstatoi shqiptarin që bënte sjellje të çuditshme e më pas nisi fshehtas të mbushte xhepat e xhupit me ushqime e sende të tjera në market.
Ajo njoftoi pronarin dhe më pas ata të dy u përleshën. Shqiptari nisi të hidhte drejt tij sende të forta e më pas e qëlloi.
Sipas italianit shqiptari i kishte ulëritur duke e kërcënuar, ‘të kam parë mirë, ta njoh fytyrën dhe si se ku të gjej’, e më pas e zuri me shkelma. Pastaj u largua me vrap i ndihmuar nga një tjetër që po e priste jashtë./panorama/a.k
