Në një lidhje telefonike për emisionin radiofonik ‘Sokol Balla Live’ përveç çështjes së teatrit, kryebashkiaku Veliaj ka folur se si po e përjeton faktin që do të bëhet baba.
“Sot kur po vija në punë, po sigurohesha që tek Sheshi Willson po bëheshin disa rregullime për uljen e trotuarit dhe po thoja me vete, karroca kalon këtu? Kam filluar të vë re shumë gjëra të vogla që ndoshta i vini re vetëm ata që kishin fëmijë. Kështu që si Erion besoj se fëmija do më bëj një njeri më të mirë”, thotë Veliaj.
Gjithashtu pranon se fakti se do të bëhet me fëmijë e ka transformuar, pavarësisht se edhe më parë ka qenë i ndjeshëm ndaj fëmijëve. E teksa është pyetur për emrin e djalit ai shprehet:
“S’kemi emër akoma por sigurisht që tani më ka transformuar. Kam qenë shumë i vëmendshëm por tani jam bërë edhe më i vëmendshëm”.
