Në shumicën e rasteve kur një person i armatosur futet në një dyqan për të plaçkitur punonjësit habiten nga frika, por kjo nuk vlen për një shitëse të një dyqani e cila me çdo kusht u mundua të ruaj pronën e saj.
Një video e postuar së fundmi në internet, shfaq momentin kur një i ri i armatosur futet në një dyqan për të plaçkitur, por është interesant fakti se si gruaja që qëndronte pranë arkës ishte kategorike në ruajtjen dhe mbrojtjen e pronës, transmeton Telegrafi.
Pamjet e filmuara nga kamerat e sigurisë, tregojnë se e gjithë kjo ngjarje e frikshme ka ndodhur në Georgia të Shteteve të Bashkuara, ku një grua vërtetë e guximshme i kundërvihet plaçkitësit duke ia larguar armën nga dora dhe duke e goditur.
Por ajo nuk u ndal me kaq, pasi me të parë se e ka rimarrë situatën nën kontroll, ajo i vërsulet plaçkitësit me një çekan, i cili me të parë se çfarë po bënte gruaja ikë nga vendi i ngjarjes. /Telegrafi/
