Një 26-vjeçar është vënë në prangat e policisë së Pogradecit pasi akuzohet se ka dhunuar vjehrrin e tij.
Shtetasi Alderado Tato, banues në fshatin Selcë e Sipërme-Pogradec u arrestua nga policia.
“Arrestimi i tij u bë pasi, ky shtetas në fshatin Homçan, për motive të dobëta dyshohet se ka goditur me mjete të forta në trup, vjehrrin e tij, shtetasin I.M, 53 vjeç, banues në këtë fshat, i cili ka marrë mjekim në Spitalin e Pogradecit ku ndodhet jashtë rrezikut për jetën”, thotë policia.
Materialet i kaluan Prokurorisë të Rrethit Gjyqësor Pogradec për veprën penale “Dhuna në familje” parashikuar nga neni 130/a i Kodit Penal./a.m.
