Një person i shpallur në kërkim ndërkombëtar për vrasje, është ekstraduar nga Athina drejt vendit tonë.
Anesti Pasko, i njohur ndryshe si Bedri Ibrahimi 55 vjeç, lindur në Poshnje të Beratit, u ekstradua nga autoritetet greke, pasditen e kësaj të premteje.
Ai akuzohet për rastin e 26 marsit 2012, kur në një lokal në fshatin Poshnje – Berat, ka ndodhur një konflikt mes tij, Bedri Ibrahimit, K.I., dhe shtetasve Gëzim Protoduari 20 vjeç, Eduart Protoduari, 40 vjeç, dhe Sako Protoduari 50 vjeç.
Si pasojë e këtij konflikti, ka mbetur i vdekur nga goditjet me thikë Sako Protoduari, si dhe janë plagosur Gëzim Protoduari dhe Eduart Portudari.
Anesti Paskos ishte i shpallur në kërkim ndërkombëtar pasi Gjykata e ka dënuar me 18 vjet burg për veprën penale të “Vrasjes në rrethana cilësuese”, në bashkëpunim, e mbetur në tentativë.
Konflikti nisi për shkak se djali i viktimës, 20 vjeç kishte ngacmuar motrën e dy vëllezërve Besnik e Bedri Ibrahimi.
Gjatë konfliktit 35-vjeçari Besnik Ibrahimi ka nxjerrë thikën dhe ka goditur për vdekjen 50-vjeçarin Sako Protoduari si dhe ka plagosur rëndë të birin Gëzimin dhe vëllanë e viktimës, Eduart Protoduari, 40 vjeç, i plagosur lehtë./a.m.
