I riu 18- vjeçar është arrestuar në Greqi pasi akuzohet se ka hyrë në shtëpinë e një të moshuare dhe ka grabitur bizhuteri me vlerë 18 mijë euro.
Ngjarja ka ndodhur pasditën e së shtunës në lagjen Charilaou në Selanik.
18-vjeçari trokiti në derën e apartamentit të së moshuarës me pretekstin se i kishin rënë rrobat në ballkonin e 67-vjeçares, dukë i thënë se banonte një kat më lartë.
Në këtë mënyrë i riu ka hyrë në apartamentin e së moshuarës, ku i ka grabitur të gjitha bizhuteritë.
Nga hetimet e policisë greke, rezultoi se 18-vjeçari së bashku me një person tjetër, gjatë periudhës nga fundi i prillit 2021 deri në fund të majit të këtij viti, kanë kryer bashkërisht tetë vjedhje të tjera në zonën e gjerë të Analipsi dhe Charilaou nga ku kanë zhvatur para dhe bizhuteri.
/a.r
