Perreth 2 orë, ish-ministri i Punëve të Brendshme Saimir Tahiri u mbrojt vetë para trupës gjykuese dhe prokurorisë që ka ngritur tre akuza të rënda ndaj tij.
Tahiri kërkoi pafajësi duke thënë se asnjë nga provat e paraqitura nga organi i akuzës nuk e implikojnë atë në trafik të drogës në bashkëpunim me grupin Habilaj.
Ish-ministri u dukë i qetë dhe i qeshur kur ka dalë nga Gjykata për Krime të Rënda.
Në prani të avokatit të tij Maks Xhashia, Tahiri është parë teksa bisedon me gazetarët pasi që prej orës 09:00 të mëngjesit ndodhen në gjykatë për tu njohur me pretencën e prokurorisë ku dhe mbrojtjen që ish-ministri e bëri vetë.
“Jam i pafajshëm”, i është drejtuar Tahiri gazetarëve. Ndërkohë brenda gjykatës janë duke bërë mbrojtjen avokatët e ish-drejtorit të Policisë së Vlorës, Jaeld Çela.
g.kosovari
