Drejtori i Përgjithshëm i Policisë së Shtetit ka pritur sot në një takim nënën e 15-vjeçarit të dhunuar në Tiranë nga forcat e rendit.
Përmes rrjeteve sociale, Ardi Veli publikon foton me Ziada Çobon, së cilës pak kohë më parë i publikoi videon me pistoletë gjatë xhirimit të një filmi.
Veliu shkruan se takimi u kërkua pasi dëshironte t’i kërkonte ndjesë personalisht Çobos.
“Sot u takuam me zonjën Zaida Çobo, e cila me të drejtë u ndje e lënduar nga komenti im që mori edhe shumë kritika publike.
Dëshiroja që ndjesën time publike t’ia bëja zonjës personalisht dhe më vjen mirë për mirëkuptimin e saj.
Përfitoj nga rasti ta përsëris edhe njëherë që jam i keqardhur për komentin tim dhe shpresoj që të jetë kuptuar nga të gjithë që ato fjalë nuk kishin qëllim fare të justifikonin policin (i cili është pezulluar menjëherë pas ngjarjes).
Po ashtu nuk më ka shkuar kurrë mendja të lëndoj zonjën apo familjen e saj me atë koment. Ndjesë edhe njëherë!” – u shpreh Drejtor Veliu pas bisedës.
/a.r
