I pret organin gjenital të dashurit të gruas dhe e hedh në WC
Episod i veçantë xhelozie në Japoni, ku një 24-vjeçar është hakmarrë ndaj të dashurit të gruas, duke i prerë organin gjenital. Ngjarja ka ndodhur në Tokio. I riu, i diplomuar në një universitet lokal, ka hyrë në zyrën e konsulencës ligjore të rivalit të tij në dashuri, një avokat 42 vjeç.
Aty, Ikki Kozukai, emri i protagonistit, ka sulmuar burrin duke e goditur me forcë, pastaj e ka shtrirë në tokë dhe më pas ia ka prerë organin gjenital me një palë gërshërë të mëdha që përdoren për prerjen e barit.
I riu, i cili ka treguar se ishte një boksier profesionist, e ka hedhur më pas në WC. Në vendngjarje mbërritën disa agjentë të policisë së metropolit, të cilët morën në pyetje agresorin.
Bashkëshorti i tradhtuar, ka treguar menjëherë që e kishte rrahur të dashurin e gruas së tij dhe ka pranuar se ndërsa avokati ishte i shtrirë në tokë, i ka hequr pantallonat dhe është hakmarrë.
Viktima është shtruar me urgjencë në spital në gjendje shqetësuese për shkak të humbjes së gjakut, por jo në rrezik për jetën.
