Gjyqtari Petrit Çomo i Gjykatës së Tiranës është konfirmuar në detyrë nga Komisioni i Pavarur i Kualifikimit. Pas hetimeve të bëra nga KPK, gjyqtari Çomo ka rezuluar i pastër në të tri shtyllat e Vettingut.
Petrit Çomo e ka filluar karrierën në sistemin e drejtësisë në vitin 2000 dhe ka punuar për gati dy dekada si gjyqtar dhe zv.kryetar i Gjykatës së Tiranës. Në vitin 2015, Çomo u zgjodh anëtar i Këshillit të Lartë të Drejtësisë –detyrë të cilën e mbajti deri në shkrirjen e këtij institucioni.
Hetimi administrativ i gjyqtarit Çomo është realizuar për të tre kriteret e vetingut, përfshirë pasurinë e subjektit, pastërtinë e figurës dhe profesionalizmin.
g.kosovari
