Zyrtarët në Aeroportin Ndërkombëtar të Hong Kongut kanë zbuluar 11 kg lëndë narkotike të llojit kokainë, e fshehur në jastëkët e një karrigeje elektrike me rrota.
Droga me vlerë rreth 1.5 milionë dollarë iu gjet një burri 51-vjeçar me probleme për të lëvizur teksa ishte duke kaluar në doganë. Ai u arrestua dhe rrezikon dënim përjetë nëse shpallet fajtor pasi ndëshkimet për trafikun e drogës në Hong Kong janë tepër të rënda.
Stafi i doganës nisi të dyshonte për diçka që nuk shkonte në karrigen me rrota pasi pa se dyshekët e saj ishin hapur dhe mbështetësja ishte riqepur.
Burri, i cili nuk është nga Hong Kongu dhe kishte probleme me lëvizjen, u tha zyrtarëve se ai ishte drejtor i një kompanie makinash me qira dhe se karroca me rrota i ishte huazuar nga një mik.
/a.r
