Edhe ne ishujt e larget te Paqesorit, nxehtesia po kthehet ne vdekjeprures.
Nuk ka fund i nxehti përvëlues që ka përfshirë edhe Japoninë në tre javët e fundit. Temperaturat e regjistruara në qytetet kryesore të vendit kanë shenuar rekorde.
Por ka qene zyrtarisht Agjencia Meteorologjike Kombëtare, JMA, qe njoftoi se në Kioto, temperaturat kanë shkuar deri në 38 gradë, 37 në Osaka, 36 në Hiroshima dhe 35 në Tokio. Në jugperëndim të kryeqytetit, në qytetin Nagoia, termometri ka shënuar 40.3 gradë, vlera më e lartë në 128 vite. Të shumta janë rastet e vdekjeve për shkak të vapës.
Në 23 komuna të Tokios, numri i të vdekurve ka arritur në 96 gjatë korrikut, pothuajse katërfish më shumë se e njëjta periudhë e vitit të kaluar.
