Ministrja e Shtetit, Elisa Spiropali ka hedhur akuza ndaj Sali Berishës, lidhur me paralajmërimin e tij se mund të organizohet një protestë kombëtare më 6 dhjetor, ditë kjo kur në Tiranë mbahet samiti BE-Ballkani Perëndimor.
Spiropali tha se Berisha nuk ka gojë të flasë, ndërsa theksoi SPAK duhet të reagojë sa herë që ai bën thirrje për dhunë dhe për destabilitet.
“Shqipëria ka bërë progres të padiskutueshëm. Ju këtë nuk e pranoni. Keni ngritur një opozitë të tërë mbi baltosjen, sulmet nuk i keni sporadike por të organizuara. I keni për të ardhur në pushtet me çdo kusht. Haxhi Qameti sot është penduar me dorëzimin e mandateve. U munduat me braktisjen e zgjedhjeve. Por nuk ia arritët se BE dhe SHBA e ka kuptuar atë që doni ju.” tha Spiropali.
“Ju nuk keni gojë të flisni për Shqipërinë. Më 6 dhjetor zhvillohet konferenca me BE dhe ky që sapo foli, që e ka damkën nga SHBA e Britania, ky thotë do bëj protestë të na shohë komuniteti i BE se kush jemi? Sali Berisha duhet dënuar me injorim të plotë. Sa herë bën thirrje për dhunë duhet ta thërras prokuroria. Nuk turpërohet pak SPAK kur ky e thërret SKAP? Nuk tregohet dot me dinjitet për të vërtetuar ato që thotë SHBA?” shtoi Spiropali.
Reagimi i Spiropalit erdhi pasi ish-kryeministri Sali Berisha sulmoi nga foltorja e kuvendit qeverinë Rama në lidhje me përfshirjen në aferën e inceneratorëve.
Në fjalën e tij Berisha tha se urdhërarrestet e SPAK janë lëshuar pasi janë lajmëruar të largoheshin të pandehurit. Teksa u ndal te arrestimi i Lefter Kokës, Berisha tha se ish-ministri ishte vetëm personi që krijoi kanalin e vjedhjes në aferën e inceneratorëve, dhe jo organizatori dhe koka që e drejtonte atë.
Berisha: Integrimi nënkupton më shumë transparencë në funksionimin e shtetit ligjor dhe ekonomise se tregut. Për s ai përjket shtetit ligjor ju vendosët monizmin e plotë, ky monizëm e ka renditur Shqipërinë 4 vende më poshtë se diktatura e Vietnamit, ky mionizëm e ka renditur Shqipërinë 53 vende më poshtë se Kosova. Ky monizëm ka vendosur tiraninë e prokurimeve sekrete që janë ngritur 20 herë. Ka vendosur praktikat e paprare të vjedhjeve në botë. Pasi u tha njëherë të ikin, dje SPAK-u juaj lëshoi disa urdhërarreste për djegësat për njerëz që nuk janë gjë tjetër rrogtar të sipërmarrjes së Edi Ramës, Ëngjëll Agaçit, Arben Ahmetajt dhe Erion Velisë.
E them unë këtë se kur kryeministër vendos t’i japë një kompanie pa asnjë eksperiencë në kundërshtim me Agjencinë e prokurimeve ai e bën këtë vetëm kur sipërmarrja është e tij pasi nuk mund ta bëjë kurrë as për vëllaun e tij. Kur kryeministri që vendos të jap 8% Kryeministri firmos për t;i dhënë 8% bonus kompanisë që Ministrja e Shtetit thoshte që nuk ekziston, pasi kompania u krijua 78 muaj më vonë. Unë e di që ju keni burgosur Lefterin, asnjë qindarkë nuk kishte në ministrinë e tij, vetëm krijoi kanalin e vjedhjes për Edi Ramën, Ëngjëll Agaçin, Erion Velinë dhe Arben Ahmetajn, dhe ndau diçka me ta./m.j
