Si pasojë e reshjeve të shumta të shiut dhe daljes së përrenjve malorë në Dibër, raportohen probleme të shumta me përmbytjet.
Nga përmbytjet e përroit malor në Krej Lurë kanë mbetur pa komunikim prej dy ditësh gjithë zonën e Lurës.
Të bllokuar kanë mbetur edhe furgonët që bëjnë linjën Lurë-Tiranë dhe ato që transportojnë pasagjerët drejt Kurbneshit.
Dy furgonë që kishin ngelur matanë përroit, ndërsa janë gjetur të mbuluar plotësisht nga uji ditën e sotme.
Rrjedha uji që vijnë nga përrenj malorë dhe nga varrezat e qytetit kanë mbuluar rrugët.
Raportohet se uji ka vështirësuar kalimin e banorëve dhe të mjeteve.
Situatë e vështirë vazhdon të jetë edhe njësinë Administrative Zall Dardhë dhe Reç, ku prej tre ditësh mbeten të izoluar 13 fshatra për shkak të daljes së përroit të Lashkizës.
Në dy HEC-et e Ulzës dhe Shkopetit vazhdojnë shkarkimet. Shirat vijojnë të jenë sërish me intensitet të lartë deri më lartësinë mbi 1500 metra mbi nivelin e detit.
Ditën e sotme nga shirat janë përmbytur rrugët e lagjes Dobrovë në qytetin e Peshkopisë.
/a.r
