Një denoncim i pazakontë është regjistruar në Komisariatin e Lushnjes. Një 60-vjeçar ka denoncuar një grua, pasi kjo e fundit i kishte mashtruar bashkëshorten dhe i ka marrë një shumë parash, duke e gënjyer se do t’i parashikonte fatin.
Policia njofton se po punon identifikimin dhe për kapjen e saj.
“Në Komisariatin e Policisë Lushnjë ka bërë kallëzim shtetasi A. I., 60 vjeç, banues në fshatin Zhamë, se në banesën e tyre, një shtetase ka mashtruar bashkëshorten e tij dhe i marrë një shumë parash, me pretendimin se do t’i parashikonte fatin. Po punohet për identifikimin dhe për kapjen e kësaj shtetaseje.
Materialet procedurale i kanë kaluar Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme”, njofton policia.
/f.s
