Kalendari i përbashkët kulturor mes Shqipërisë dhe Kosovës po ecën mjaft mirë sa i përket anës artistike, veçse problem i madh mbetet buxheti, i cili është i pamjaftueshëm për vijueshmërinë e këtij bashkëpunimi. Shqetësimi është ngritur nga drejtori i Operas dhe Baletit në Tiranë, Ilir Kerni, i cili në një intervistë për Kosovapress thotë se buxheti duhet patjetër të rishikohet, dhe madje pse jo të krijohet një fond i veçantë nga të dyja shtetet.
“Marrëveshja midis dy ministrive nuk parashikon një buxhet të caktuar që mund të jetë për zhvillimin e këtyre aktiviteteve. Gjithsesi ështënjë lloj dashamirësie dhe predispozite nga të dyja palët që bëjmë ç’ është e mundur që me këtë mundësi financiare që kemi ta çojmë gjithmonë e më tej (bashkëpunimin).Me shifra konkrete nuk mund të them por ndoshta do të ishte mirë që në mënyrë konkrete të parashikohej një fond i caktuar për bashkëpunim të një kalendari që mund të ishte i përbashkët”.
