Një grua e moshuar hebreje që i mbijetoi Holokaustit ka vdekur në rrethimin e Mariupolit, tha vajza e saj për faqen e lajmeve Chabad.org.
Vanda Semyonovna Obiedkova, 91 vjeç, ishte strehuar në një bodrum kur vdiq më 4 prill.
Më shumë se 80 vjet më parë ajo ishte fshehur në një bodrum gjatë pushtimit nazist të Mariupolit. Këtë herë ajo po strehohej nga forcat ruse që kanë bombarduar qytetin dhe kanë ndërprerë furnizimet thelbësore.
“Mamaja nuk e meritonte një vdekje të tillë,” tha vajza e saj Larissa për Chabad.org .
“Nuk kishte ujë, energji, ngrohje – dhe ishte ftohtë i padurueshëm,” tha Larissa, e cila ishte në bodrum duke u fshehur me nënën e saj. “Nuk mund të bënim asgjë për të. Ne jetonim si kafshë.”
“Sa herë që binte një bombë, e gjithë ndërtesa dridhej. Nëna ime vazhdonte të thoshte se nuk mbante mend diçka të tillë që në kohën e Luftës së Dytë Boterore”, tregoi vajza e te moshuares.
g.kosovari
