Sapo kishte përfunduar festën për fitoren në llotari, një australiani i është dashur të festojë sërish pasi kishte mësuar se kishte fituar një jackpot për herë të dytë në të paktën një javë.
Pasi kishte fituar të hënën më 7 maj 1 020 487 dollarë australian (644 000 euro), 40-vjeçari, identiteti i të cilit nuk u zbulua, por që jetonte në Bondi, një zonë turistike në Sydnej, fitoi sërish të shtunën 1 457 834 dollarë australianë.
“I thoja vetes që është shumë e bukur për të qenë e vërtetë”, theksoi ai për NSW Lotteries, organizmi zyrtar që menaxhon llotaritë në shtetin e Uellsit të Ri Jugor, raporton ata.
“Mundësia për të fituar dy herë në një kohë kaq të shkurtër është pothuajse e pamundur. Do të doja shumë t’u jepja këshilla të tjerëve për mënyrën si fitohet në llotari, por nuk kam”, shprehet ai.
NSW Lotteries u shpreh se nuk ishte në gjendje të vlerësonte mundësinë për të fituar dy herë në javë duke e ditur se të fitosh një herë është një mundësi në 1,845 milionë.
“Ne nuk njohim ndonjë të ketë fituar dy herë në një javë”, deklaroi zëdhënësi i “NSW Lotteries”, Matt Hart.
“Ka njerëz që fitojnë dy herë në jetën e tyre, por jo dy herë në një javë”, shtoi ai./a.m.
