Djegiet e makinave në Vlorë po kthehen në një fenomen të shpeshtë, me të paktën dy raste të tilla në një javë.
Kështu, rreth orës 01:45 të së dielës, një tjetër automjet është përfshirë nga flakët në lagjen ”Uji i Ftohtë”.
Sipas policisë, makina ”Audi” është në pronësi të G.R., banues në Tiranë, por ai ia kishte lënë në ruajtje dhe përdorim kunati i tij, 25 – vjeçari J.M., banues në Vlorë.
Pavarësisht ndërhyrjes së zjarrfikëses, mjeti ka marrë dëmtime plotësisht në pjesën e përparme. Fatmirësisht nga kjo ngjarje nuk ka të lënduar.
Ndërkohë, grupi hetimor ka nisur punën për sqarimin dhe zbardhjen e plotë të rrethanave të ngjarjes.
a.ç
