I përdorim përditë, pa e ditur se rrezikojmë seriozisht mishrat e dhëmbëve. Por nëse dhimbja e tyre mund të durohet, ka disa pasoja për shëndetin jo shumë të pëlqyeshme.
Alkooli, për shkak të përmbajtjes së lartë të sheqerit dhe acidit dëmton smaltin e dhëmbëve dhe mishrat. Gjithçka për shkak se çon në tharjen e gojës dhe pakësim të mukozës.
Të njëjtin efekt e ka dhe kafeina, dhe nëse e keni vënë re, pas kafesë keni nevojë të vazhdueshme për të pirë ujë. Tharja e gojës shton mundësinë e rritjes se mikrobeve dhe për pasojë edhe dëmtim të mishrave të dhëmbëve.
Lëngjet e frutave dhe pijet që përmbajnë soda, kanë prani të lartë sheqeri gjë që dëmton seriozisht shëndetin oral. Veçanërisht pijet me soda kanë aciditet dhe dëmtojnë smaltin e dhëmbëve, duke rritur mundësinë që dhëmbët të dëmtohen më shumë.
Karamelet dhe çokollatat, janë të pasura me sheqer dhe për shkak se ngjiten pas dhëmbëve shtojnë rrezikun e dhëmbëve për shkak të ekspozimit ndaj baktereve.
Frutat e thata janë një tjetër produkt që vështirësisht largohen nga goja, për shkak se ngjiten në dhëmbë. Edhe domatet kanë sasi të lartë aciditeti, duke dëmtuar seriozisht dhëmbët. Këshillohet që të konsumohet e përpunuar, në sallatë, supë ose gjellë.
Kushdo që ka ngrënë kokoshka, nuk ka shpëtuar që së paku një herë cipat të kenë hyrë në dhëmbë dhe të kenë dëmtuar mishrat e tyre. në rast se nuk bëni dot pa to, tregoni kujdes gjatë konsumit, në mënyrë që dëmi të jetë më i vogël.
Edhe buka dhe karbohidratet përmbajnë sasi të lartë sheqeri duke rritur mundësitë për zhvillimin e baktereve, ndaj minimumi që duhet të bëni është të shpëlani gojën rregullisht.
Prej mishtave të dhëmbëve shkaktohen sëmundje që kanë lidhje me zemrën, apo edhe me pjellorinë./a.k
