Një 33-vjeçari ra në prangat e Policisë së Beratit pasi u kap duke shpërndarë kokainë.
Specialistët për Hetimin e Narkotikëve dhe Trafiqeve të Paligjshme, në bashkëpunim me Forcën Operacionale në DVP Berat, bënë arrestimin në flagrancë të shtetasit Ardit Bajrami, banues në lagjen 30 Vjetori, Berat.
“Arrestimi i tij u bë pasi, gjatë kontrollit fizik dhe në banesën e tij, janë gjetur dhe sekuestruar në cilësinë e provës materiale doza me lëndë narkotike kokainë, 1 peshore elektronike, 1 aparat celular dhe një shumë parash të dyshuara të përfituara nga kjo veprimtari kriminale”, thuhet në njoftimin e Policisë.
Ajo që bie në sy nga fotografia që ka publikuar policia, është se në dozat e kokainës të bëra gati për shitje, ka letra të verdha me iniciale, që dyshohet se ishin të përcaktuara enkas për personat që do i blinin.
Materialet i kaluan Prokurorisë së Rrethit Gjyqësor Berat, për veprën penale “Prodhimi dhe shitja e narkotikëve”.
g.kosovari
