Ndalohet një shtetas i shpallur në kërkim në Lezhë për veprat penale “Vrasje në rrethana të tjera cilësuese” kryer në bashkëpunim e mbetur në tentativë. Burime nga policia bëjnë me dije se në pranga është vënë 31 vjeçari Vlash Seferaj, banues në Lezhë.
Arrestimi i tij erdhi pasi, Gjykata e Lezhës me datë 7 shtator 2016 ka caktuar masën e sigurisë “Arrest me burg” për veprat penale ” Vrasje në rrethana të tjera cilësuese” në bashkëpunim mbetur në tentativë “, ” Prodhim dhe mbajtje pa leje e armëve luftarake dhe municionit”.
Me datë 30 gusht 2016, tek rreth rrotullimi i Shëngjinit, 31 vjeçari në bashkëpunim me vëllain e tij ( i cili është në kërkim dhe punohet për kapjen e tij) pas një konflikti kanë shkëmbyer zjarr me shtetasin M.N., ku për pasojë kanë mbetur të plagosur M.N., dhe shoku i tij. Materialet procedurale u referuan Prokurorisë Lezhë për veprime të mëtejshme./noa/a.k
